A principios do século VIII, chegaron as nosas terras os musulmáns no seu intento de dominar Europa. Estableceron varias colonias no val de As Pontes: A Mourela, Os Mouros, A Mourania, O Mouriscón, etc. Os nosos antepasados sufriron maltratos e ofensas por parte deles: como tributo debían entregar todos os anos un grupo de xoves doncelas. Estas, como é lóxico, resistianse polo que chamaron o lugar habitual de entrega "So mozas" (quietas mozas), que corresponde o lugar que hoxe se chama Somozas.
    No século IX foi fixada a Diócesis a que pertencía As Pontes chamada Mindoniense (de Mindoni), Mondoñedo. Se extendía dende Guitiríz hata Pontedeume e a sua ría. Galicia foi dividida entón en sete provincias hata 1833: Betanzos, Coruña, Lugo, Mondoñedo, Orense, Santiago e Tui. O val de As Pontes pertencía á provincia de Betanzos que tiña os seus límites de norte a sur dende o cabo Ortegal hata Santiago de Jubial, e de este a oeste dende o Freixo e Montato hata o cabo Prioriño.

    Un dato relevante desta época:
        No ano 982, apoiado polos magnates galegos e portugueses, e en rebelión contra o rei Ramiro III, proclamouse novo rei Bermudo, exercendo como tal en Galicia e Portugal. Xa como rei de León, as rebelións internas do reino empuxárono a poñerse baixo a tutela do califato cordobés, onde a dirección militar estaba nas mans de Almanzor. Sofocadas as rebeldías internas, comenzou un periodo de enfrontamentos cos musulmáns e Almanzor dirixiu unha gran expedición contra Galicia. Entre os anos 985 e 997 devastou Coimbra, León, Zamora e Sahagún entre outras localidades, chegando incluso ata Santiago de Compostela. Ante a superioridade do enimigo o rei Bermudo fuxiu ó norte establecendose na paraxe que hoxe é a parroquia de Bermui, nome que recibeu do mesmo rei ó refuxiarse ali durante 10 anos, máis ou menos. Elixíu este lugar polas suas condicións estratéxicas (xa vimos anteriormente que os celtas tamén o elexiron como capital polas mesmas razóns). Pese as guerrillas que enviaba contra Almanzor non puido deter o seu avanze arrolador. Este chegou ata Compostela destruindo a cidade, despois tomou Coruña, logo Betanzos e Bermudo fuxíu a Oviedo (de onde era nativo) pasando por As Pontes na sua retirada.
        No 999 Almanzor retirase de Galicia e volve Bermudo, reconstruíndo as fortalezas e monasterios. Faleceu o pouco tempo en Villanueva del Bierzo. Os seus restos descansan na Catedral de León.