"O Peliqueiro"

Non é un disfrace. É una máscara que representa o poder. Ninguén a pode tocar. É o rei indiscutible da festa e a vez, gardián de tódolos demais personaxes do Entroido.

A súa orixe non se pode determinar. O que si está claro é que a careta e os chocos son as partes mais antigas, quizais prehistóricas. Son estes elementos os que lles dan  o seu carácter de autoridade relixiosa - espiritual.

O nome venlle da pel de animal que leva cubrindo a careta. Esta pel soe ser de gato ou cordeiro. A careta é de madeira de aliso, rematada cunha mitra que leva pintada unha figura de animal.

O traxe é enteiramente artesanal. A chaquetiña é curta con charreteiras de corte militar e cuberta cunha pañoleta pola parte de atrás que é agasallo da noiva do Peliqueiro. O pantalón, a modo de calzón curto é de liño, con encaixes e borlas de algodón.

Levan camisa e garabata, medias e ligas de fantasía de rechamantes cores. Na cintura dúas faixas e riba delas un cinto con seis "chocos" que ó correr fan un barullo estrondoso.

Na man levan un látego ou "zamarra": báculo e símbolo de autoridade co que se abre camiño, saúda e castiga.

"Vestirse de peliqueiro é un orgullo": un símbolo de fortaleza física e poder moral.