Chegan, veladas chegan
as desfiadas e escuras voces
ó son da Terra
que cuspe a dor e arreda a pena.

Fía, amores, fía
e só namora a quen a quere.
No máis fondo
crávame as unllas nesta pel.

Fía e desfía, si
e volve a fiar
envolve arredor
esta voz, esta pel
que non soubo voar.

Fía, amores, fía
e sobre a fronte deseña estrelas,
sofre a mágoa
padece a pena que golpea.

Ó Terra, fálame e di
se vou onda ti
devolver ou gardar
o que non é so meu.

Uxía Senlle

Información extraída do proxecto fin de carreira de Amoedo Vidal, Mónica. A propaganda do nacionalismo galego a través da música. Caso particular: Suso Vaamonde. Ano 2003 dirixido por Álvaro Xosé López Mira.

Para máis información dirixirse ó correo electrónico: moamoedo@yahoo.es

Deseño e creación da páxina: Amoedo Vidal, Mónica e Covelo Míguez, Xosé.

Creada o 10/07/2003